近期公司兴起既一句口头禅就系“ANIMAL”，做乜野都LINK埋ANIMAL度，例如：debrief animal, meeting animal, trip animal, recap animal...

 

总之，所有机械类工作既项目都会被称之为“ANIMAL”类工作，机械式既 meeting, debriefing, recaping... 填唔完既report, 开唔完既meeting, 做唔尽既recap, 埋头苦干到似乎无左方向，引用琴晚果个泊车阿姨所讲既“你地做野办事既时间就梗系过得快啦，难为我睇车D时间就过得慢咯。。。”真既，朝九晚六，一忙起身就真系唔够用了，好似今日甘，早上做做做，突然抬头发现杯未洗水未饮过TOILET未去过就已经到左十一点半了，再眨个眼就到六点，全日都未饮够两杯水，剩低果六杯睇怕都无办法饮够了

 

再甘ANIMAL法，就真系会变成名副其实既  working like a cow 了   2008, Something have to be changed anyway...

 

 

今日系农历正月十五，中国既元宵佳节亦系中国情人节 

 

今日去左一个自有记忆以来就无去过既地方，同做左一件自有记忆以来都无做过既事  就系去文化公园睇花灯啦  有兴趣既朋友就去我D相册欣赏下啦

 

今晚中餐，西餐都食晒，当然就唔少得食汤丸啦  仲有啊，今晚手震震，俾我影左个心型既月亮喔，真系绝世经典啊

 真系靓到晕，绝对无PS过咖，哈哈

 

 What a wonderful Evening

 

 

 

今晚接到一个好多年无联络既职中同学电话，倾左半个钟，互相update 各自有联络既同学既data, 约左得闲出黎食饭饮野  感觉 … …这么远，那么近… …所有读书时候既回忆突然涌现，真系值得好好回味。

 

尚记得听力课堂上，Ms. Zhang最具威力既口头禅“How do you learn English?”，呵呵。。。 唔知Ms. Zhang个脑瘤好翻未呢？仲记得我以前听力课最积极，最中意举手发言, 估唔到呢？啊，我个位个number好似系 F4 定系 F7呢？唔记得咯。。。

 

又记得以前学校中午唔俾拿饭盒入学校食饭，学人搞咩环保之类既，而我地就静鸡鸡用书包偷运饭盒入学校，都好惊险咖，万一俾“大粒墨“发现，分分钟无饭食之余仲要俾人扣礼仪分咖！不过，记忆中又好似无边个俾人扣过分喔。。。

 

仲有，参加英语俱乐部表演话剧，扮一个刁蛮公主，出戏叫咩名我就唔记得了，不过我仲记得果个扮我俾“父王“赶出宫后穷酸样果个女同学叫做高丽，哈哈。。。好似仲曾经做过我“情敌”添 

 

仲记得果部上课会震到个铁柜桶好响既摩拉密语黄色CALL机，果条改短到好有型既校服裙，果D用黎同小白上课倾计用既“传薄仔”，连“猪”老上课都敢折既纸鹤，同Lily“传情”既信仔。。。好多好多，好美好既回忆，虽然无办法“回到过去”，但我林我到“老掉牙”果时都会回味依一切一切。。。读书既时光真系多么美好啊

 

今晚俾人话我系一个唔“称职“既班长，林落都系既，都毕业甘多年咯，一次都无组织过同学聚会喔...都系分班既错，都系我懒之过啦。。。  不过唔紧要喔，家阵通讯甘发达，好朋友，保持联络啦

 

我既第二十几个生日，Happy Birthday 哦  Let's Party

 

- Warm Up 下先：

 

-再来跳翻Party舞：

 

- High high地, 大家一齐来锡锡：

继续继续，唔好俾距停... ...

 

- 系时候切蛋糕啦

好好味既蓝梅夹心Cheese cake啊,多谢肥Ray同学

 

- 颁奖仪式现在开始  我要多谢MTV,CCTV,HKTV,我既经理人公司,我既爹地妈咪嬷嬷...无你地就无今日既我当然最重要既系多谢赞助本次活动所有奖品既小白同学, 冬瓜同学,仲有系遥远既法国飞翻黎既靓靓Lily同学, I Love You All

 

- 余兴节目, 我要多谢冬瓜同学同埋潘同学表演既"K房杀人事件", 令到大家笑到BI晒眼泪水

 

- 多谢各位,令我过左一个非常开心同埋难忘既生日, 仲收到我第一个DD  特别鸣谢非常细心既冬瓜同学

 

2008年, I wish you all the best in this year, more more Money more more Happy  Thank you thank you thank you... ...

 

 

 

 

今朝训醒张开眼既时候惊喜发现太阳公公终于出黎了  虽然依然系甘冻，但见到阳光个心都暖D

 

从来都未试过好似今年甘盼望见到太阳公公，希望唔好再落雨同雪，D积雪快D溶，大家可以快D平安翻到屋企同家人过新年

 

 

 

琴日好开心, 终于可以自己开车了 虽然天气就唔系甘靓,又落雨喔, 不过心情都仲系好靓既

 

多谢爹爹同娘亲做我既第一位乘客, 俾我最直接既支持同信任, 我会俾我自己60分然后剩翻果40分就留翻俾我继续努力啦

 

I love you all

 

虽然话系2008完成的第一件大“树”，但其实都离唔开2007年既努力，今日好开心因为小女终于拿到属于自己既车牌啦

 

终于，我可以将准备已久既物品放上车了：

Hello Kitty毛毛呔盘，买左好耐咖啦，都林到自己会系冬天拿牌，所以一早就买定毛毛既，又靓又暖，正啊

 

另外呢，仲有同小白“情侣”款既CD包啦，Hello Kitty防滑垫&停哥伉俪送既可爱天使仔，我通通都会放上车啊

 

拿左个车牌，真系可以话系终于松左啖气啊，唔系话难考啊惊啊之类，而系终于唔洗留D年假用黎练车同考试，2008年既年假亦终于可以多姿多彩啦

 

琴日体验左一日既“凑”女生活，累到“体无完肤”啊

 

兴之所致，琴日去帮肥Ray个契妹“凑”女，果个小朋友呢一岁两个月，未识讲两只字但却行得飞甘快 

完全无一刻安静既，一阵拉你去阳台睇狗，一阵又拉你去厨房睇距老豆煮饭  一阵又排排坐，一阵又抱包。。。我就高，距就矮，弯住条腰跑来跑去，真系“过瘾”咯。。。

 

转个眼出街了，扯住你系甘行，岁几人仔竟然甘大力，佩服啊~~~

去到大快活HIGH TEA果时，林住距终于可以训觉了，点知，全程训唔够半个钟就又爬起身玩了。。。

 

“妈咪，有电话稳你啊~~~”           “舅母，饮水啦你~~~~”

 

依个小朋友最最最抵锡既呢，就系你叫距锡你距就锡你，你要距俾你锡呢，距就马上俾个嘴你，绝对唔会托你手挣咖  有相为证咖

 

“锡啖舅母啦 ”                            “俾舅母锡啖啦 ”                    “再锡啖舅父先啦 ”

.

 

虽然真系都几累，特别系Dinner完之后用条咩带咩左距一段路，腰骨都痛啊~~~~~~ 不过真系好开心甘玩左一日，梗系啦，玩人地个女喔，哇哈哈哈哈。。。 。。。 得闲再玩过